گوجرانوالہ (محمد عدیل بھٹی) سابق سینئر نائب صدر تحریک انصاف ضلع گوجرانوالہ قاسم اکرم وڑائچ نے کہا ہے کہ پولیو فری پاکستان حکومت کا وژن ہے ، اس ضمن میں وفاقی حکومت نے عوام کی سوشل ویلفیئر کے لیے احساس پروگرام کا آغاز کیاہے ۔ ہیلتھ کارڈ کے تحت 7لاکھ 20 ہزار روپے تک کی طبی سہولیات حاصل کی جاسکتی ہیں۔ تعلیم یافتہ اور ہنر مند نوجوانوں کو اپنا کاروبار شروع کرنے کے لیے یوتھ بزنس لون بھی متعارف کرایا گیا ہے تاکہ وہ بہتر روزگار حاصل کرسکیں۔
ان خیالات کا اظہار انہوں مرکزی سیکرٹریٹ پی پی 62 میں کارکنوں کے ایک وفد سے گفتگو کرتے ہوئے کیا۔ انہوں نے مزید کہا کہ 72برسوں سے بھارت کامقبوضہ جموں و کشمیر پر غیر قانونی تسلط اقوام عالم کے لیے لمحہ فکریہ ہے ، کشمیریوں پر بھارتی ظلم و تشدد قابل مذمت ہے ، اقوام متحدہ کی قراردادوں اور کشمیریوں کی امنگوں کے مطابق مسئلہ کشمیر کا حل وقت کا تقاضا ہے ۔ انشا اللہ کشمیر جلد آزاد ہوگا۔