گوجرانوالہ (عدیل بھٹی) پاکستان تحریک انصاف کے رہنما جہانزیب خاں منج نے کہا ہے کہ تحریک انصاف کی حکومت آئین کی بالادستی پر پختہ یقین رکھتی ہے۔ جس کسی نے بھی کرپشن کر کے ملکی خزانے اور عوام سے کھلواڑ کیا اسے حساب دینا ہی ہو گا۔ وہ معاشرہ حقیقی ترقی ک طرف کبھی بھی گامزن نہیں ہو سکتا جہاں پر طاقت ور اور کمزور کے لئے الگ الگ قانون ہو۔
گوجرانوالہ میں تحریک انصاف کے ضلعی سیکرٹریٹ میں کارکنوں سے گفتگو کرتے ہوئے ان کا کہنا تھا کہ حکومت معاشی صورتحال کی بہتری کے لئے موثر اقدامات کر رہی ہے اور عام آدمی کا معیار زندگی بہتر بنانا ہی حکومت کا بنیادی ایجنڈا اور منشور ہے۔