شکرگڑھ کی سبزی منڈی میں محرم الحرام کے آغاز کے ساتھ ہی منافع خور تاجر سرگرم ہو گئے ہیں شہریوں کا کہنا ہے کہ محرم سے قبل ٹماٹر 40 روپے فی کلو میں دستیاب تھے لیکن اب یہی ٹماٹر 180 روپے فی کلو میں فروخت ہو رہے ہیں اسی طرح سبز مرچ 50 روپے فی کلو سے بڑھ کر 150 روپے فی کلو ہو چکی ہے شمیلہ مرچ، جو پہلے 100 روپے میں پانچ کلو دستیاب تھی، اب 150 روپے فی کلو میں فروخت کی جا رہی ہے۔ کیرالہ کی قیمتوں میں ہوشربا اضافہ دیکھنے میں آیا ہے پہلے پانچ کلو کیرالہ 50 روپے میں فروخت ہوتا تھا جبکہ اب اس کی قیمت 500 روپے ہو چکی ہے شہریوں کا کہنا ہے کہ منڈی میں سبزیوں کے منہ مانگے دام وصول کیے جا رہے ہیں لیکن تحصیل انتظامیہ کا کوئی نمائندہ منافع خوروں کو لگام ڈالنے کے لیے ڈیوٹی پر نظر نہیں آ رہا۔ عوام نے اعلیٰ حکام سے مطالبہ کیا ہے کہ فوری ایکشن لیا جائے اور ناجائز منافع خوری کا خاتمہ کیا جائے۔(بشکریہ سیٹھ اکمل)