شکرگڑھ (رانا طاہر شہزاد) سرحدی قصبہ کوٹ نیناں سے مزدوروں کو لے جانے والی مسافر بس جب سیالکوٹ روڈ پر ڈوگری پل کے قریب پہنچی تو تیز رفتاری کے باعث اس کا ٹائر دھماکے سے پھٹ گیا اور بس بے قابو ہو کر قلابازی کھاتی ہوئی الٹ گئی۔ شکرگڑھ ٹائمز کے مانیٹرنگ نیوز ڈیسک کے مطابق بس الٹنے سے سوار درجنوں مزدور شدید زخمی ہوگئے اور ہر طرف کہرام مچ گیا۔ اطلاع ملتے ہی ریسکیو ٹیمیں جائے حادثہ پر پہنچ گئیں اور زخموں کو قریبی ہسپتال منتقل کیا۔