شکرگڑھ (رانا طاہر شہزاد) گوجرانوالہ سے ظفروال آنے والی ایک مسافر بس دھنتھل روڈ نزد گاؤں لالہ کے قریب افسوسناک حادثے کا شکار ہو گئی. خراب سڑک اور تیز رفتاری کے باعث بس بے قابو ہو کر سڑک کنارے موجود جوہڑ میں جاگری. حادثہ اتنا شدید تھا کہ 2 مسافر موقع پر ہی جاں بحق ہو گئے جبکہ 9 مسافروں کے شدید زخمی ہونے کی اطلاع موصول ہوئی ہیں۔  ریسکیو 1122 ظفروال کنٹرول روم کو اطلاع موصول ہوتے ہی ڈسٹرکٹ ایمرجنسی آفیسر انجینئر اورنگزیب کی سربراہی میں ریسکیو ٹیم فوری طور پر جائے حادثہ پر پہنچ گئی۔ ریسکیو اہلکاروں نے پیشہ ورانہ مہارت سے بس میں پھنسے ہوئے تمام افراد کو نکالا، زخمیوں کو ابتدائی طبی امداد فراہم کی گئی۔