شکرگڑھ (مانیٹرنگ ڈیسک) یہاں موصولہ اطلاعات کے مطابق سی سی ڈی آفیسر جنید الرحمن اپنی ٹیم کے ہمراہ شکرگڑھ سرکل کے تھانہ چک امرو کی حدود میں ایک کامیاب آپریشن کے بعد واپس آ رہے تھے کہ تھانہ صدر شکرگڑھ کی حدود میں واقع کریل پلی پر موٹر سائیکل سواروں نے پولیس کانوائے پر فائرنگ کردی جس کی زد میں آ کر ٹیم میں شامل ایک کانسٹیبل انیس الرحمن شدید زخمی ہوگیا۔ فائرنگ سے پولیس وین کو بھی نقصان پہنچا ہے جبکہ ملزمان نے پولیس کانوائے پر حملے کے دوران سی سی ڈی کی حراست میں ملزمان زاہد حسین اور علی رضا کو چھڑایا اور فرار ہوگئے۔ پولیس کی جانب سے حملہ آوروں سمیت چھڑائے گے ملزمان کی گرفتاری کے لئے کوشش جاری ہے زخمی کانسٹیبل ہسپتال میں زیر علاج ہے۔