شکرگڑھ (رپورٹ جنید حسن صدیقی) گزشتہ روز دو دنوں سے سے جاری مسلسل بارشوں کا سلسلہ مختصر وقت کے لئے رکنے کے بعد گزشتہ رات دوبارہ شروع ہو گیا جو آج صبح تک جاری رہا۔ کوٹ نیناں کے مقام پر بھارت کی جانب سے دریائے راوی میں چھوڑے جانے والے 2 لاکھ 10 ہزار کیوسک سیلابی پانی کا ریلہ تحصیل شکرگڑھ اور نارووال کے سرحدی دیہات  اور ملحقہ ہزاروں ایکڑ زرعی اراضی میں تباہی مچاتا ہوا لایور کی جانب روانہ ہو گیا جو آج کسی وقت شاہدرہ کے قریب سے گزرے گا۔ تاہم تحصیل شکرگڑھ اور نارووال میں سرکش دریائے راوی کی تبای کاریوں کا سلسلہ تاحال جاری ہے۔ کرتار پور کا نواحی گاوں ویرم اور ارد گرد کا وسیع زرعی رقبہ بپھرے ہوئے راوی کے سیلابی پانی کی زد میں ہے۔ لوگ گھروں کی چھتوں پر پناہ لئے ہوئے امداد کے منتظر ہیں۔