شکرگڑھ(مانیٹرنگ ڈیسک)پنجاب حکومت نے صوبہ بھر کے تمام اضلاع میں قائم سبزی منڈیوں اور غلہ منڈیوں کو ختم کرنے کا ایک بڑا اعلان کیا ہے اور ان کا نام تبدیل کر کے "وزیر اعلیٰ کاشتکار بازار" رکھ دیا ہے۔ اس اقدام کا مقصد یہ ہے کہ منڈیوں میں آنے والی تمام اجناس، سبزیاں اور پھلوں کا ریکارڈ حکومتِ پنجاب کے پاس موجود ہوگا۔ اس نئے نظام کے تحت، مال بردار گاڑیوں اور منڈی میں موجود مال کا باقاعدہ ریکارڈ رکھا جائے گا۔ اس کے علاوہ، بولی لگانے والے افراد اب صرف سرکاری اہلکار ہوں گے، اور پرائیویٹ افراد کو بولی لگا کر مال بیچنے کی اجازت نہیں ہوگی۔ "کاشتکار بازاروں" کی تزئین و آرائش بھی کی جائے گی۔ اس ضمن میں سرکاری املاک پر قابض افراد سے ناجائز  قبضہ چھڑوانے کے لیے آپریشنز کا آغاز کر دیا گیا ہے۔ سیف سٹی کیمرے کے ذریعے داخلی اور خارجی راستوں پر گاڑیوں کا ڈیٹا بھی اکٹھا کیا جائے گا۔