شکرگڑھ (صہیب حسن صدیقی) سال 2026 کے لئے تحصیل بار ایسوسی ایشن شکرگڑھ کے پانچ عہدیدار بلا مقابلہ منتخب ہو گئے۔ نعیم خاں شیروانی ایڈووکیٹ نے شکرگڑھ ٹائمز سے گفتگو کرتے ہوئے ہوئے بتایا کہ معزز ممبران بار رضوان خان ترین ایڈووکیٹ نائب صدر، حسین خان شیروانی ایڈووکیٹ فنانس سیکریٹری، معین حسن صدیقی ایڈووکیٹ جوائنٹ سیکرٹری، اصطفیٰ کوہلی ایڈووکیٹ لائبریری سیکرٹری اور حافظ یاسر کسانا ایڈووکیٹ آڈیٹر منتخب ہوئے ہیں۔ امیدوار برائے صدر ناصر جمیل گورسی ایڈووکیٹ اور امیدوار برائے سیکرٹری جنرل دیگر معزز بار ارکان  کے ہمراہ گزشتہ شب صدیقی ہاوس پہنچے اور نو منتخب عہدیداروں کو مبارکباد پیش کرتے ہوئے نیک تمناوں کا اظہار کیا۔