شکرگڑھ (خصوصی رپورٹ) رکن قومی اسمبلی وفاقی پارلیمانی سیکرٹری انوار الحق چودہری نے نورکوٹ روڈ بائی پاس پر ری ماڈلنگ اور باب شکرگڑھ کی تزئین و آرائش کے منصوبے کا افتتاح کردیا بدلتا شکرگڑھ کے نام سے منسوب اس منصوبے کے تحت بائی پاس سے انتووالی تک دونوں اطراف میں جدید ڈیزائن سے آراستہ ٹف ٹائل نصب کرنے کے ساتھ ساتھ خوبصورتی کےلئے گرین بیلٹ تعمیر کیا جائے گا شکرگڑھ ٹائمز کی خصوصی رپورٹ کے مطابق اسی منصوبے کے تحت نورکوٹ روڈ بائی پاس چوک میں جدید ٹیکنالوجی سے ہم آہنگ واٹر ڈانسنگ فاؤنٹین بھی عوام کےلئے تفریحی موقع فراہم کرے گا شہریوں نے بدلتا شکرگڑھ کے تمام پراجیکٹ کی تکمیل کےلئے کام جلد مکمل کرنے کی ضرورت پر زور دیتے ہوئے رکن قومی اسمبلی چودہری انوار الحق کی کاوشوں کو شاندار الفاظ میں خراج تحسین پیش کیا ہے ۔