شکرگڑھ (رانا طاہر شہزاد) نامعلوم چور چھمال روڈ پر زیر تعمیر ایک عمارت کے تالے توڑ کر وہاں موجود قیمتی اشیاء لے اڑے۔ متاثرہ شہری نے تھانہ سٹی شکرگڑھ میں ایف آئی آر درج کروا دی ہے۔ دوسری واردات میں نامعلوم چور رات کی تاریکی میں نواحی گاؤں بصرا جالا کے مرکزی قبرستان سے قیمتی واٹر پمپ اتار کر لے گئے۔ اہل علاقہ نے وقوعہ کے بعد تھانہ صدر شکرگڑھ میں اندراج مقدمہ کے لئے درخواست دے دی ہے۔ شہریوں نے علاقہ بھر میں تیزی سے بڑھتی ہوئی چوری کی وارداتوں پر تشویش کا اظہار کرتے ہوئے ڈسٹرکٹ پولیس آفیسر نارووال، ڈی ایس پی سرکل شکرگڑھ اور متعلقہ تھانوں کے ایس ایچ اوز سے فوری اصلاح احوال کا مطالبہ کیا ہے۔