شکرگڑھ (رانا طاہر شہزاد) انجمن پٹواریاں ڈسٹرکٹ نارووال کے صدر حاجی خالد جاوید کسانہ نے گزشتہ روز وفد کے ہمراہ  گورنر پنجاب سلیم حیدر خان سے ملاقات کی۔ گورنر ہاؤس میں ہونے والی اس ملاقات میں پنجاب حکومت کی طرف سے محکمہ پٹوار کے امور میں بلاوجہ مداخلت کی وجہ سے درپیش مسائل پر تفصیلی تبادلہ خیال کیا گیا۔ اس موقع پر گورنر پنجاب سلیم حیدر خان نے انجمن پٹواریاں کے وفد کو اپنے ہرممکن تعاون کی یقین دہانی کرواتے ہوئے درپیش مسائل کے فوری حل کے عزم کا اظہار کیا۔ انجمن پٹواریاں تحصیل ظفروال کے صدر چودہری نصیر احمد گجر، صاحبزادہ حامد امین گوجرانوالہ، اختر بھنڈر تحصیل صدر گوجرانوالہ اور حاجی ریاض احمد جھنگوی بھی ملاقات میں موجود تھے۔